По повод Божиќните празници, директорот на Агенцијата за млади и спорт м-р Лазар Поповски заедно со кошаркарските репрезентативци Ѓорѓи Чековски, Тодор Гечевски и Ивица Димчевски, репрезентативците во бокс Вели Мумин, Примислав Димовски и репрезентативецот во кајак Атанас Николовски се дружеа со децата од ”Специјална Олимпијада”.

Денеска во  просториите на Агенцијата за млади и спорт, Директорот м-р Лазар Поповски оствари средба со Цено Ценов, претседател на Европската федерација во борење и потпретседател на Светската федерација во борење. На средбата  присуствуваа и претседателот на федерацијата за боречки спортови на Македонија Чедо Николовски и кординаторот за првенството Насе Насев.

Денеска во организација на Агенцијата за млади и спорт и Сојузот на спортски федерации на Република Македонија  во проеториите на Универзална Сала – Скопје се одржа  спектакуларната спортска манифестација ”СПОРТИСТИ НА ГОДИНАТА 2011” на манифестација се доделија  награди за најуспешните од македонскиот спорт кои ја одбележаа 2011 година .

Директорот на Агенцијата за млади и спорт м-р Лазар Поповски на денешната прес конференција информира дека македонските граѓани можат да гласаат за најдобри спортисти за годинава, а го најави  и одржувањето на манифестацијата за изборот на најдобрите.