Агенцијата за млади и спорт продолжува со имплементацијата на Проектот...
По повод отпочнувањето на процесот за креирање на Законот за млади, вчера...
Агенцијата за млади и спорт за прв пат аплицираше за проект во Европската...
Денеска, директорот на Агенцијата за млади и спорт, Дарко Каевски оствари...
Центарот за младински активизам “КРИК“ и Сојузот на извидници од Македонија, одржаа завршна конференција на тема : Младите лица со попреченост во секојдневниот живот, која се одржа во Национална и универзитетска библиотека „Св. Климент Охридски “ со тема : Младите лица со попреченост во секојдневниот живот.
Меѓу говорниците, свое излагање имаше и Дарко Каевски, директор на Агенцијата за млади и спорт.
Агенцијата за млади и спорт на Република Македонија во соработка со Пливачката федерација на Македонија ќе го подржи учеството на пливачите Ана Јаневска, Љупчо Ангеловски, Миа Крстевска, Давор Петровски и Методија Ангелески во нивното учество на ЛЕН Европското првенство во кратко пливање кое ќе се одржи во Копенхаген, Данска, во Кралската Арена.
„Горд сум што можам да кажам дека 4 наши пливачи ќе учествуваат на ова Европско првенство во пливање. Уверен и убеден сум дека достоинствено ќе ги бранат боите на Македонија....
Фудбалската федерација на Македонија на гала манифестација во Македонскиот Народен театар ги додели наградите на најдобрите во македонскиот фудбал за сезоната 2016/17. Директорот на Агенцијата за млади и спорт Дарко Каевски ги врачи наградите во категоријата најдобар млад играч и најдобар стрелец во младински фудбал. Во категоријата најдобар млад играч, Директорот Каевски му ја врачи наградата на Елиф Елмас, кој сега настапува во редовите на Фенербахче, а претходно го носеше дресот на работнички. Во категоријата најдобар стрелец во младински фудбал, Каевски му ја врачи на Александар Мишов од фудбалскиот клуб Академија Пандев.
Прво место во генерален пласман за Македонскиот претставник Слободан Ивчевски на Европскиот шампионат во брзински мото трки во Букурешт, Романија.
Претседателот на светската федерација за мото трки, Волфранг Црб ја додели наградата за најбрзиот мотоциклист, Македонецот Слободан Ивчевски.
Чест и задоволство ни е да ве известиме за се помасовниот интерес на македонската јавност за снукерот и билијардот како спортски дисциплини.
Особено последнава година, по одржаните тренинг сесии со легендата на снукерот, Најџел Бонд, како и со лиценцирањето на тренерите, интересот во Македонија е рапидно зголемен.
Оттука, се поголема е потребата на зачестена организација на турнири каде што играчите ќе имаат можност да ги демонстрираат своите вештини и да се инспирираат за нови успеси.
Затоа, во билијард и снукер средиштето „Гран Клуб“ од Скопје во периодот од 09 до 10 декември ќе се одржи меѓународен снукер турнир насловен “Скопје опен 2017”.
Агенцијата за млади и спорт во рамките на планираните програмски активности во текот на месец ноември 2017 година реализира вонреден надзор за наменското и навременото користење на средства остварени од надоместоците за спорт утврдени во член 79 став (2) и член 94 став (2) од законот за игрите на среќа и за забавните игри во националните спортски федерации.
Дарко Каевски, Директор на Агенцијата за Млади и Спорт овласти работни групи, Решение Бр. 08-1868/1 од 10.11.2017 , за реализирање вонреден надзор.
Честитки за успехот на нашиот македонски репрезентативец Дејан Георгиевски, кој успеа да го освои златниот медал на Европското сениорско првенство со олимписки категории кое се одржа во Софија, Бугарија. Ова е огромен успех за македонското таекводно, бидејќи Дејан стана шампион во олимписки спорт и ја најави кандидатурата за Олимписките игри во Токио 2020 година Му посакувам огромен успех и продолжуваме со поддршка на нашите успешни спортисти кои не прават особено горди.
Агенцијата за млади и спорт организираше прес конференција по повод неодамнешниот настап на Македонската репрезентација во традиционално карате на Обединетиот светски карате шампионат во Монтекатини, Италија. Постигнат е историски резултат ,14 медали од кои: 9 златни, 1 сребрен и 4 бронзени медали во сениорска, јуниорска и кадетска конкуренција.
Директорот на Агенцијата за млади и спорт Дарко Каевски истакна дека е чест и вистинско задоволство кога Македонска репрезентација освојува ваков историски успех, особено ако истиот е остварен на едно мундијалско натпреварување. Агенцијата и понатаму останува отворена за соработка со федерацијата за традиционално карате во секој сегмент, особено кога станува збор за младинските категории.
Федерацијата за училишен спорт во соработка со Шаховската федерација на Македонија, Сојузот на училишен спорт на Скопје и Приватната Гимназија “Алгоритам” го организира Државното првенство во шах за основни и средни училишта.
На првенството учествуваа 112 учесници и тоа 91 машки и 21 женски.
Сите натпревари се играа со временска контрола по играч од 10 минути, со додаток од 5 секунди за секој одигран потег, Швајцарски систем од шест кола.
Македонската репрезентација во традиционално карате на Обединетиот светски карате шампионат во Монтекатини, Италија постигна историски резултат освојуваќи вкупно 14 медали од кои: 9 златни, 1 сребрен и 4 бронзени медали во сениорска, јуниорска и кадетска конкуренција.
Резултати-сениори: 1. место во кати екипно-сениори (Дејан Недев, Аљоша Недев и Матеј Ангеловски), 1. место во кого-кумите и фукуго-сениори Матеј Ангеловски, 3. место во кати поединечно Дејан Недев, 3 место во ен-бу м/м (А. Недев и М. Ангеловски).
Граѓанското здружение ТАКТ во соработка со Националната мрежа против насилство врз жените, Амбасадата на САД и Агенцијата за млади и спорт организираа конференција за родовото насилство во спортот.
На конференцијата покрај претседателот на граѓанското здружение ТАКТ Силвија Митевска, учествуваа и Александра Дичевска, советник за меѓународна соработка во Агенцијата за млади и спорт, Горан Никовски, професор на Факултетот за физичко образование, спорт и здравје, како и Милева Велкова, професор на Спортската ракометна академија и Ирена Андреевска, спортски новинар во МРТВ.
Пливачите од клубот Бета освоија медали на меѓународни натпревари во Трст, Италија и во Крагуевац, Србија.
Од пливачите кои настапија на „Куп Крагујевац“ Сара Анастасовска освои прво место во дисциплината 50 метри грбно и трето место во дисциплината 200 метри слободно, додека Жабокова Ана освои трето место во дисциплината 50 градно.
