Агенцијата за млади и спорт, согласно својата Програма за работа во 2018 година и Заклучокот од одржаната средба на 27.09.2018 година на премиерот на Владата на Република Македонија Зоран Заев со претставниците на националните спортски федерации посветена на подобрување на квалитетот на финансирање на спортот во Република Македонија, одржа средба со претседателите и генералните секретари на националните спортски федерации. На работниот состанок се разговараше на повеќе теми меѓу кои:

Агенцијата за млади и спорт го реализира проектот „Преку спортот до мултиетничка кохезија“ .

Проектот се реализира во четири града, и тоа : Скопје, Гостивар, Тетово и Куманово, преку организирање на натпревари во мал фудбал. Самите екипи се составени од ученици, припадници на сите етникуми кои живеат во овие општини.

Фаик Весели го освои бронзениот медал на младинските Олимписки игри во Буенос Аирес, Аргентина.

Ова е историски резултат за каратето и првиот медал за Македонија на младинските Олимписки игри, со што Фаик ги исполни очекувања кој самиот си ги постави да освои медал на МОИ.

Агенцијата за млади и спорт, во насока на развивање на претмприемаштвото кај младите луѓе објавува јавен повик за учество во обука за развој на претприемачкиот дух и деловните вештини.

Обуката е составена од два модула, во кој првиот модул ги опфаќа претприемништвото, претприемачкиот процес и претприемачот, додека вториот модул од обуката се однесува на деловните вештини потребни за основање и водење на сопствен бизнис.

На повикот можат да се пријават млади лица на возраст од 18 до 25 години, државјани на Република Македонија.

Сите заинтересирани за учество во обуката, пријавата може да ја симнат на линкот подолу, да ја пополнат и да ја испратат по пошта или електронски до Агенцијата за млади и спорт.

- ЈАВЕН ПОВИК ЗА УЧЕСТВО ВО ОБУКА ЗА ПРЕТПРИЕМНИШТВО И ДЕЛОВНИ ВЕШТИНИ (симни)

- ПРИЈАВА (симни)

Агенцијата за млади и спорт е повторно местото од каде македонската карате репрезентација заминува на Светското првенство кое ќе се одржи во период од 06 до 11 ноември, во Мадрид, Шпанија.

На прес-конференцијата организирана во просториите на АМС, свое излагање имаа директорот на Агенцијата за млади и спорт, Дарко Каевски и стручниот штаб на македонската карате репрезентација, предводена од Стојан Андриевски и Сашко Арсовски.

Каевски истакна дека карате спортот дефинитивно е меѓу најуспешните и најтрофејните спортови во земјава, а за тоа говорат и резултатите. Тоа во изминатиов период го потврдија големите имиња кои испишаа историја.

Агенцијата за млади и спорт ги остварува планираните активности.

Уште една успешно завршена Фитнес зона. Станува збор за фитнес зоната во Општина Чаир, каде директорот на Агенцијата за млади и спорт Дарко Каевски заедно со градончалникот Висар Ганиу го означија официјалниот почеток за употреба.

Македонија на Европското кик бокс првенство за сениори во Братислава, Словачка, отпатува со тројца натпреварувачи, а се врати со два медали – златен и бронзен, што е огромен успех. Димитар Ѓоргиев стана европски шампион во лоу кик, а Бобан Илиоски го освои бронзнениот медал во К1.

По тој повод директорот на Агенцијата за млади и спорт Дарко Каевски, организираше прием за кик боксинг тимот предводени од стручните лица, на чело со селекторот Дејан Митровски.

Директорот на АМС, Дарко Каевски заедно со претседателот на МОК, д-р Васил Тупурковски и спортскиот директор на МОК, Владимир Богоевски на пресконференција му честитаа на нашиот најдобар Европски каратист Фаик Весели кој во негова категорија го освои бронзениот медал на младинските Олимписки игри во Буенос Аирес.

Агенцијата за млади и спорт организираше прес конференција по повод претстојниот атлетски настан “Skopje Run 10K”.

Директорот на Агенцијата Дарко Каевски го истакна своето задоволство што Агенцијата за млади и спорт се јавува како генерален покровител на еден настан, кој освен меѓународениот карактер кој истиот го има со учеството на повеќе од 22 земји, има огромен напредок во поглед на пораст на број на пријавени учесници од Македонија, но и хуманитарниот карактер на настанот.