Национална конференција за промовирање на активностите против говор на омраза

Настанот е организиран од Националниот комитет против говор на омраза, a поддржан од Мисијата на ОБСЕ во Скопје со цел претставување на активностите и ресурсите на сите национални институции и организации против говорот на омраза во Република Македонија.
На конференцијата ќе бидат претставени резултатите од активностите, а воедно ќе бидат дискутирани и натамошните активности, како и можности за натамошно воспоставување соработка меѓу вклучените страни.

Како составен дел од акцијата „Мај месец на велосипедисти“ која ја спроведува Републички совет за безбедност на сообраќајот на патиштата и Министерство за внатрешни работи, вчера по девети пат Општина Прилеп и Велосипедска Федерација на Македонија заедно со Велосипедски клуб Илинден од Прилеп и Сојуз на училишен спорт на Општина Прилеп го организираат настанот „СИТЕ НА ВЕЛОСИПЕД“.

„Младите можат“ во соработка со „Мобилност Македонија“, со поддршка од проектот „Мрежа ЈЕС“ на УСАИД Македонија го реализираат проектот „Подготвеност за вработување и за работа“.

Денес во собирниот центар на Црвен Крст во Момин Поток на испомош беа и вработените од Агенцијата за млади и спорт. Можеше да се забележи на лицето на целиот колектив на Црвениот крст, желба за помош и обезбедување храна, облека и обувки за настраданите во Србија и БИХ. Акцијата продолжува и во наредниот период.Апел од АМС до сите граѓани, млади и спортисти ако имаат желба да помогнат да се упатат во собирниот центар на Црвен Крст во Момин Поток.

Во ОУ “Партенија Зорафски”се одржа хуманитарен семинар за помош на настраданите од поплавите во Србија, Хрватска, Босна и Словенија. Хуманитраниот семинар се одржа во организација на основачот на клубовите за боречки вештини “Д Строгест & РУТС” и Председател да Македонската Федерација за бразилска џиу џица, Алексовски Ивица ( тренер за џит кун до, бразилска џиу џица и мма) заедно со познати македонски мајстори од повеќе боречки вештини како што се:

- Иле Ристески - македонскиот шампион во кик бокс и тренер во кик бокс клубот“Горила”;
- Игор Паскоски - мајстор во џудо во џудо и тренер во најдобриот македонски џудо клуб “Миоки”;
- Дамјан Цингарски - мајстор во аикидо и тренер во аикидо клубот Хенбо.

Металург е новиот ракометен шамион на Македонија. Вечерва во последното коло од националната супер лига во Битола, Металург го совлада Пелистер со 25:20 и обезбеди директен пласман во европската лига на шампиони.

Натпреварот резултатски беше рамноправен само во првите 15 минути од средбата, кога „пелистерци“ водеа со 5:4 и 6:5, а потоа една од најдобрите ракометни екипи во Европа ја презеде иницијативата и првото полувреме го реши во своја корист со резултат 15:10. Во второто полувреме резултатската предност ја одржуваше најефикасниот играч на натпреварот, Ренато Вугринец кој постигна 11 голови и кој даде најголем придонес во конечниот резултат од 25:20 и победа за гостите од Скопје.

Битолската спортска јавност во спортската сала „Младост“ со аплауз го поздрави успехот и шампионската титула на Металург, а пехарот и медалјите на шампионите им ги додели директорот на Агенцијата за спорт и млади Марјан Спасевски.

Оваа сабота на 24.05.2014 во салата на О.У. „Партение Зографски“ ќе се одржи хуманитарен семинар за боречки вештини на кој ќе се соберат средства за помош на настраданите од поплавите во Србија и Босна и Херцеговина. Добредојдени се сите клубови кои работат некаков вид на боречки вештини и сите оние заинтересирани кои би сакале нешто повеќе да научат и најважно, да споделат хуманост.

Супериорниот владетел во женскиот ракомет во Македонија и официјално беше крунисан. По дуелот против „сестринскиот“ ЖРК Вардар, директорот на Агенцијата за млади и спорт, Марјан Спасески, им го додели на ракометарките на ЖРК Вардар СЦБТ шампионскиот пехар како заклучок на една убава сезона. По ланската премиерна титула, сега ја одбранија и првпат ја споија со трофејот од Купот. И формално се запишаа како македонски учесник во ЛШ следната сезона, кога ќе атакуваат на највисокото место.