Денес директорот на Агенцијата за млади и спорт Марјан Спасески направи обиколка за целосен увид во напредокот на изведбата на градежните активности на повеќенаменските игралишта што ги гради Агенцијата за млади и спорт во Скопје. Посетени беа повеќенаменските игралишта во Општина Аеродром (ОУ “Александар Македонски”), Општина Бутел (ул.Мара Междуречка), Општина Кисела Вода (нас.Црниче) и Општина Чаир (ОУ”Никола Вапцаров”) каде во тек се одвиваат градежни активности.

 Во наредниот период започнува со одржување “УЧИЛИШНИОТ СПОРТСКИ КАМП 2014” кој е во организација на Министерството за образование и наука, Агенцијата за млади и спорт и Федерацијата на училишен спорт на Македонија.

Денес, директорот на Агенцијата за млади и спорт Марјан Спасески беше во посета на ДСУФК „Методи Митевски – Брицо” и Спортската Академија, каде го проследи последниот тренинг на ракометарите, ученици од ова училиште и членови на Спортската Академија во ракомет, пред нивното поаѓање на светското првенство за средни училишта во Република Турција.

Денес, директорот на Агенцијата за млади и спорт Марјан Спасески организираше прием на Македонската традиционална карате федерација и високата делегација од Светската и Европската традиционална карате федерација. Имено, во посета на куќата на спортот, покрај претседателот на МТКФ, г-нот Венцислав Недев беа и претседателот на Светската Традиционална Карате Федерација г-дин Хироши Шираи и претседателот на Европската Традиционална Карате Федерација д – р Владимир Јорга.

На 20.06.2014 година (петок) во Струга, се одржа конференција на тема „Евалуација на европската програма – „Млади во акција", каде што учествуваа претставници од голем број институции и здруженија на граѓани од повеќе држави. На оваа конференција, покрај здруженија на граѓани од Македонија, учествуваа и здруженија од Србија, Словенија, Естонија, Русија, Албанија, Полска, Норвешка и од Азербеџан, како и претставници од поголем број општини од Македонија, Агенцијата за млади и спорт и Националната агенција за европски образовни програми и мобилност.

На Балканското првенство за кадети кое се одржа во Ксанти – Грција во периодот од 13-15 јуни 2014 година, во категоријата до 48 килограми во женска конкуренција Блерина Сефери се закити со сребрен медал. Неколку години наназад нашите спортисти освојуваат медали од Балканските првенства во сите возрасни категории.

Денес, директорот на Агенцијата за млади и спорт м-р Марјан Спасески организираше прием на претставници на Федерацијата на планинарски спортови на Македонија. Со Претседателот на федерацијата проф. д-р Јовица Угриновски, Горан Тинтоски, Никола Доновски и Здравко Дејановиќ, беше разговарано за заминувањето на Здравко Дејановиќ и неговото искачување на вториот највисок врв на планетава К2/Голдин Остин, висок 8611 метри. Врвот се наоѓа на планинскиот венец Хималаи на граница помеѓу Пакистан и Кина

Под мотото „Дарувај крв за оние кои даруваат живот“ денеска во Дневниот центар за дарување крв „Даре Џамбаз“ беше одбележан 14 Јуни- Светскиот ден на крводарителството а воедно беше отворен оддел за прибирање крв од доброволни дарители. На настанот присуствуваа претседателот на Република Македонија г-дин Ѓорге Иванов, директорот на Агенцијата за млади и спорт м-р Марјан Спасески, претставници од Институтот за трансфузиона медицина, канцеларијата на Светската здравствена организација Скопје, како и повеќе спортисти и естрадни уметници.