По повод националниот празник 2-ри август, Планинарската Федерација и Агенцијата за млади и спорт традиционално го организираат Илинденскиот марш “Илинден 2017”.

По тој повод директорот на Агенцијата за млади и спорт Дарко Каевски во присуство на дел од групата планинари и челните луѓе на Планинарската федерација на Македонија положија свежо цвеќе на гробот на Гоце Делчев, со што и официјално  стартуваше планинарскиот марш.

Учество ќе земат планинари  од повеќе планинасрки друштва од Македонија, а маршутата ќе помина по чекорите на Илинденците низ централна Македонија, а главната цел е другарување и запознавање со убавините на Македонија.

Маршот или трансверзалата Скопје-Крушево-Охрид долга е околу 200км а предвидено е да се пешачи од 10 до 12часови.Право на учество имаат само искусни планинари,здрави и кондиционо подготвени,со задолжителен лекарски преглед.

Патот на планинарите поминува низ богати природни убавини, незаборавни планиски видици и културно-историски споменици од старата македонска архитектура и сите споменици од периодот на Илинденското Востание кои ги има во голем број на ова патување, по патеките на славните илинденци.

Илинденскиот марш се реализира во периодот од 29 јули до 3 август.