Фаик Весели го освои бронзениот медал на младинските Олимписки игри во Буенос Аирес, Аргентина.
Ова е историски резултат за каратето и првиот медал за Македонија на младинските Олимписки игри, со што Фаик ги исполни очекувања кој самиот си ги постави да освои медал на МОИ.
Фудбалската федерација на Македонија на гала манифестација во Македонскиот Народен театар ги додели наградите на најдобрите во македонскиот фудбал за сезоната 2016/17. Директорот на Агенцијата за млади и спорт Дарко Каевски ги врачи наградите во категоријата најдобар млад играч и најдобар стрелец во младински фудбал. Во категоријата најдобар млад играч, Директорот Каевски му ја врачи наградата на Елиф Елмас, кој сега настапува во редовите на Фенербахче, а претходно го носеше дресот на работнички. Во категоријата најдобар стрелец во младински фудбал, Каевски му ја врачи на Александар Мишов од фудбалскиот клуб Академија Пандев.
Денес, директорот на Агенцијата за млади и спорт м-р Марјан Спасески оддржа прес-конференција по повод реализираните активности за изминатата 2015 година на Агенцијата за млади и спорт. Во отчетот за 2015 година, Директорот Спасески информираше напредок во сите полиња на работа во делот на спортската инфраструктура, во делот на спортот и младите. Во прилог е целосната информација од оддржаната прес-конференција за отчетот на Агенцијата за млади и спорт:
Почитувани новинари,
2015 година беше една од најуспешните за Агенцијата за млади и спорт. Беа реализирани огромен број проекти, од кој бенефит видоа спортистите, спортските работници, младите луѓе и сите граѓани.
500 млади и талентирани спортисти и годинава ќе бидат наградени од Агенцијата за млади и спорт со стипендијата “Спортска надеж”. Агенцијата за млади и спорт, оваа спортска категорија ја доделува на спортисти кои остваруваат резултати на официјални државни и меѓународни натпревари за возрасни категории до 20 години, во олимписки и параолимписки спортови, државјани на Република Македонија.
Агенцијата за млади и спорт за прв пат аплицираше за проект во Европската Комисија преку програмата Еразмус плус – “Европска недела на спорт”.
Апликацијата и замислата на целиот проект беше под водство на Мр Александра Дичевска, советник за меѓународна соработка во Агенцијата за млади и спорт и Национален координатор за проектот за кој добивме позитивен одговор.
Со Државната наградата „8. Септември” се оддава признание на спортисти, тренери и спортски работници за остварувања во областа на спортот. Во една година можат да се доделат најмногу до пет награди, од кои една награда е за животно дело за исклучителен придонес во развојот на спортот, афирмацијата и промоцијата на Република Македонија на меѓународен план.
Република Македонија, градот Скопје и општината Карпош повторно ќе бидат домаќини на едно големо европско натпреварување, овој пат во шахот. Во периодот од 17-25 октомври оваа година во општина Карпош ќе се одржи 31-от Европски клупски куп и 20-от Европски клупски куп во шах за жени.
На ова големо натпреварување учество ќе земе шаховската елита од Европа од вкупно 24 европски држави, што дополнително говори за квалитетот и нивото на овој спортски настан. Досега се пријавени 63 екипи – 48 во машка и 15 во женска конкуренција.
Денеска, во просториите на Агенцијата за млади и спорт беа доделени наградите за петте најдобри млади програмери, кои победија на државните натпревари по информатика и кои ќе ја претставуваат Република Македонија на Балканската и Светската Олимпијада по информатика и програмирање.
Климент Серафимов, Христијан Ѓоршевски, Борис Танчовски, Димитар Бајрактаров и Михаил Денковски се овогодинешните лауерати на проектот “Најдобар млад програмер”, кои ќе добијат парични награди од АМС, но и ќе добијат стипендии за бесплатно студирање на ФИНКИ.
Тоа, на денешната прес-конференција го објавија директорот на АМС, Марјан Спасески и претседателот на Здружението на информатичари на Македонија, Миле Јованов.
