Јавен повик за избор на обучувачи за обуки за меки вештини
Агенцијата за млади и спорт објавува јавен повик за избор на 2 обучувачи за испорачување на обуки за меки вештини. Целта на обуката е јакнење на капацитетите на локалните младински совети, преку развој на меките вештини на членовите на овие совети.
Обуките ќе ги покриваат следните теми:
- Комуникациски вештини
- Тимска работа и водење тим
- Поврзување и воспоставување соработка со засегнати страни
- Ефективни пристапи при решавање проблеми
- Справување со конфликти
Ангажманот на обучувачите се однесува на :
- подготвување и спроведување на 2дводневни обуки (по 70 учесници)
- подготвување извештај од обуките
Заинтересираните кандидати треба да ги исполнуваат следните услови:
- познавање на младинскиот сектор во нашата држава и функционирањето на локалните младински совети
- познавање на темите кои ќе бидат покриени на обуката
- искуство во водење на обуки со млади луѓе
- презентациски вештини
Документи кои треба да се достават:
- Кратка биографија
- Писмо за препорака за минимум 2 спроведени обуки
- Предлог за одржување на обуките и финансиска понуда
Бараните документи потребно е да се достават на е-маил: Оваа е-адреса е заштитена од спамботови. Треба да ви е овозможено JavaScript за да ја видите.или до архивата на Агенцијата за млади и спорт (ул. Македонија, бр.38, 1000 Скопје – Палата „Панко Брашнаров) со назнака пријава за обучувач за обуки за меки вештини, најдоцна до 15. септември 2016.
Дополнителни информации можат да се добијат на е-маил: Оваа е-адреса е заштитена од спамботови. Треба да ви е овозможено JavaScript за да ја видите.и тел: 075/254 - 734
