Учество на Македонија во Формирање на европски младински политики

Првиот  семинар од третото издание на Работилницата под наслов "Формирање европски младински политики во теоријата и практиката" се одржа во Загреб, изминатава недела.

45 учесници од 13 национални делегации разговараа за принципите, реалноста, предизвиците и иднината на младинската политика во нивните земји.

Македонија учествуваше со свој претставник, М-р Александра Дичевска, Советник за меѓународна соработка во Агенцијата за млади и спорт.

Настанот беше насочен кон пристапност на младинските политики преку ”Масовен отворен он лајн курс за основите на младинската политика”.

Загреб се покажа како одличен домаќин на Хрватската национална агенција за Еразмус плус во соработка со Националната агенција на Франција.

Вториот семинар ќе се одржи во Стразбур во март 2018 година, а меѓусебната фаза ќе се состои од развивање на младинска политика во пракса во сите земји учеснички.