Во Скопје започна ЕХФ Шампионатот за жени до 17 години

Република Македонија е домаќин на ЕХФ Шампионатот за жени, до 17 години кое започнува денес, во Скопје и ќе трае до 6-ти август.

Учествуваат десет репрезентации од Европа, поделени во две групи.

На официјалното отворање кое се одржа во Спортскиот рекреативен центар “Кале” се обрати директорот на Агенцијата за млади и спорт, Дарко Каевски.

Тој ги поздрави претставниците на Европската Ракометна Федерација и Ракометната федерација на Македонија, за организацијата на овој значаен спортски настан.

- Упатувам многу среќа до сите репрезентации, до ракометарките и стручните тимови.                      

Овие денови, Македонија е центар на младите женски таленти во ракомет кои се иднината на овој спорт во Европа. Ракометот е спорт број 1 во Македонија. Со поддршка и меѓусебна соработка ќе продолжиме да инвестираме во ракометот, со цел уште подобри резултати, потенцираше Каевски.

Во Групата А се селекциите на Македонија, Полска, Швајцарија, Грција и Фарски Острови.    

Во Групата Б се селекциите на Словенија, Бугарија, Исланд, Израел и Косово.