Каевски на Илинденскиот пливачки маратон 2017
Во Охрид се одржа традиционалниот "Илинденски пливачки маратон 2017".
Маратонот го отвори директорот на Агенцијата за млади и спорт, Дарко Каевски.
Тој ги поздрави присутните, упати честитки до пливачите за покажаниот спортски дух и нивната храброст.
Пливачите се поделени во две категории (од 10 до 15 години и од 16 години и постари).
Каевски потенцираше дека пливањето заслужува повторно да се врати на старите патеки. Агенцијата за млади и спорт е подготвена да го поддржи овој спорт во кои имаме бележено значителни резултати.
Овој маратон е најава за првото издание на Олимпискиот пливачки маратон на 10 км (закажан за 12-ти август), во организација на нашиот успешен и заслужен спортист, пливачот Александар Маленко.
