Одржана едукативна спортска работилница на тема: „Фудбал“

Монтесори центарот во соработка со Агенцијата за млади и спорт ја реализираше предвидената, осма по ред, едукативна спортска работилница на тема:„Фудбал“. Работилницата се одржа на 20 април (сабота) во соработка со школата за млади фудбалери МТП со тренерот Жикица Тасевски. На работилницата учество земаа 12 деца на возраст од 4 до 10 години под водство на двајца Монтесори воспитувачи од Македонското Монтесори Здружение.

Децата од Монтесори центарот активно беа вклучени во тренингот, со што имаа можност на непосреден начин да се запознаат со специфичната игра карактеристична за фудбалот, основните правила, водењето на топката, шутирање на гол, прекршоци во текот на играта и слично.

Во Монтесори центарот, преку картички и фотографии воспитувачите им го преставија на децата историјатот на фудбалот, развојот на овој спорт, најпознатите светски и домашни фудбалери и клубови итн.

До крајот на учебната година се предвидени да се реализираат уште две едукативни спортски работилници (тенис и јавање). Подетални информации во врска со термините и начинот на учество на работилниците можете да добиете на www.montessori-macedonia.org, e- mail: Оваа е-адреса е заштитена од спамботови. Треба да ви е овозможено JavaScript за да ја видите. или на fb:Montesori centar.