Честитка од АМС до машката кошаркарска репрезентација на Македонија

Ми претставува огромно задоволство од името на Агенцијата за млади и спорт и од мое лично име да Ви го честитам пласманот на Европското првенство во кошарка кое ќе се оддржи во 2015 година.

Покажавте дека со напорна работа, посветеност и љубов кон својата држава, можат да се постигнат одлични резултати.

Со вашата игра, покажавте дека не случајно сте дел од европскиот кошаркарски крем и повторно ја етаблиравте кошарката како спорт број еден во Македонија.

Дозволете да му честитам и на стручниот тим предводен од Александар Џикиќ, кој е најзаслужен за максималната посветеност, работа и вербата во репрезентацијата.

Со огромна поддршка, Ви посакуваме уште поголеми успеси во иднина на радост и задоволство на целата нација.

 

Со почит,

м-р Марјан Спасески