Агенцијата за млади и спорт, во насока на развивање на претмприемаштвото кај младите луѓе објавува јавен повик за учество во обука за развој на претприемачкиот дух и деловните вештини.

Обуката е составена од два модула, во кој првиот модул ги опфаќа претприемништвото, претприемачкиот процес и претприемачот, додека вториот модул од обуката се однесува на деловните вештини потребни за основање и водење на сопствен бизнис.

На повикот можат да се пријават млади лица на возраст од 18 до 25 години, државјани на Република Македонија.

Сите заинтересирани за учество во обуката, пријавата може да ја симнат на линкот подолу, да ја пополнат и да ја испратат по пошта или електронски до Агенцијата за млади и спорт.

- ЈАВЕН ПОВИК ЗА УЧЕСТВО ВО ОБУКА ЗА ПРЕТПРИЕМНИШТВО И ДЕЛОВНИ ВЕШТИНИ (симни)

- ПРИЈАВА (симни)

Агенцијата за млади и спорт, следејќи ги младинските трендови, петти пат по ред, го објавува ,,Конкурсот за млади поети” и ,,Конкурсот за млади уметници”. Оваа активност е дел од проектите зацртани во годишните активности во секторот млади, кој има за цел да го поттикне творечкото умештво и уметничко изразување кај младата популација.  Во прилог се конкурсите каде сите млади кои се заинтересирани да се пријават и да земат учество, можат директно да се информираат:

- КОНКУРС ЗА МЛАДИ ПОЕТИ (симни конкурс)

- КОНКУРС ЗА МЛАДИ УМЕТНИЦИ(симни конкурс)

По повод започнувањето на најголемиот спортски настан во Европа – ,,Европската Недела на Спортот", каде учество ќе земе и Република Македонија преку Агенцијата за млади и спорт, во просториите на АМС, на ден 21.09.2018 (ПЕТОК) со почеток во 11.00 часот ќе се одржи прес-конференција на која ќе се обратат 

- Директорот на Агенцијата за млади и спорт, Дарко Каевски, 

- Директорот на СЦ ,,Борис Трајковски” Александар Петровски и 

- Националниот координатор за Македонија, Александра Дичевска.

Агенцијата за млади и спорт во периодот од 5-8 септември e домаќин на состанокот на бордот на директори на Регионалната анти-допинг организација на Источна Европа во која членуваат земјите од овој регион, а е конститутивен дел на Светската анти-допинг организација - ВАДА. Како потписник на Меѓународната конвенцијата за борба против допингот во спортот, Република Македонија е дел од унилатералната борба против употребата на забранети супстанци и забранети методи од страна на спортистите.

Директорот на Агенцијата за млади и спорт Дарко Каевски, денеска свечено го означи стартот на 27. традиционално меѓународно рели „Македонија независност 2018”. Каевски им посака успешно мото рели и дружење на моторџиите во духот на ,,Денот на независноста на Република Македонија”.

- Ми претставува чест што денес ве гледам во толку голем број и драго ми е што традицијата продолжува. Агенцијата за млади и спорт заедно со Мотоциклистичката федерација на Македонија секоја година го организираат овој голем настан со кој го одбележуваме државниот празник „8-ми Септември”.

Кавадарци во следниве три дена ќе биде домаќин на велосипедската кадетско-јуниорска балканска елита.

Организацијата е на страна на Велосипедската федерација на Македонија, под покровителство на Агенцијата за млади и спорт и Општина Кавадарци.

По тој повод Агенцијата за млади и спорт организираше прес конференција, на која учествуваше директорот на АМС Дарко Каевскии водечките лица од велосипедската федерација на Македонија.

Агенцијата за млади и спорт, следејќи ги младинските трендови, објави,,Јавен повик за доделување на награди за Млади талентирани лица” на кои повик може да се пријават млади лица. Критериумите за учество на Јавниот повик можете да ги погледнете подоле со симнување на word документот. 

- Јавен повик за доделување на награди за Млади талентирани лица (Симни тука)

* Напомена: Јавниот повик не се однесува на наградите и признанија добиени во спортски дисциплини.

По повод започнувањето на најголемиот спортски настан во Европа – ,,Европската Недела на Спортот", каде учество ќе земе и Република Македонија преку Агенцијата за млади и спорт, во просториите на АМС, се одржа прес-конференција на која се обрати директорот на Агенцијата за млади и спорт, Дарко Каевски, директорот на СЦ ,,Борис Трајковски” Александар Петровски, како и  и националниот координатор за Македонија, Александра Дичевска.

-Стартувајќи од 2015 година, Европската унија зема за цел преку свои проекти да го мотивира населението кон здрав начин на живот преку правилна исхрана, спорт и физички активности.