Директорот на Агенцијата за млади и спорт, Марјан Спасески денеска изврши увид во градежните работи на повеќенаменското игралиште, кое Агенцијата за млади и спорт го гради во населеното место Самоков, општина Македонски Брод.
Игралиштето се гради согласно утврдената динамика, завршени се асфалтерските работи и во моментов се подготвува теренот за поставување на околните патеки со бехатон, по што ќе се поставува челичната ограда. Се очекува објектот да заврши до средината на јуни и да се стави во функција за потребите на рекреативците и младите луѓе.

Уште еден медал од Европско во Македонија. Нашиот Емил Павлов во континуитет остварува врвни резултати на континенталните карате собири. Петото место на Наташа Илиевска во борби и Поликсенија Јовановска во кати-поединечно не се за подценување ако се знае фактот дека на овој собир земаа учество каратисти од 38 земји со повеќе од 400 натпреварувачи.

Агенцијата за млади и спорт во соработка со Министертсвото за образование и наука, како и градот Куманово се организатори на државните натпревари за средношколци,  “ Гимназијада Куманово 2016”, која од утре па се до сабота ќе биде причина за дружење и спортско надигрување.

Агенцијата за млади и спорт го објави Конкурсот за доделување средства на субјекти кои реализираат програми од јавен интерес во областа на спортот.
Конкурсот ќе трае до 09.05.2016 година до 16.30 часот.

На Конкурсот учество може да земат субјектите кои ги исполнуваат условите, односно Националните спортски федерации.

Сите заинтересирани страни кои ги исполнуваат критериумите може да ги достават апликациите на адресата на Агенцијата за млади и спорт.
ул: „Македонија“, бр.38 (Палата „Панко Брашнаров“) 1000 Скопје со назнака : ЗА „КОНКУРС 2016 “

Инаку, Конкурсот беше објавен во празничниот број на дневниот весник ДНЕВНИК.

Изградбата на повеќенаменските игралишта, кои се дел од проектот на Агенцијата за млади и спорт за изградба на 100 повеќенаменски игралишта низ целата држава се одвива со одлична динамика. Досега, од овој проект изградени се вкупно 56 игралишта, а во моментов во фаза на реализација се 22 нови. 

Студентите на најголемиот Универзитетски кампус во Македонија до почетокот на новата учебна година ќе добијат репрезентативен спортски објект. Големата спортска сала, која ја гради Агенцијата за млади и спорт е во напредна фаза на градба. Според информациите од Изведувачот, околу 70% од градежните работи се завршени и се очекува до месец октомври објектот целосно да се финишира.

Абреша Реџепи (-48 кг) освои историски бронзен медал за џудото во Македонија. Реџепи на Европскиот куп Клуж Напока за кадети во Романија го освои третото место, што е еден од најголемите успеси на македонските џудисти.

Изминатиов викенд во соседна Албанија се одржа квалитетен турнир во таеквандо, на кој земаа настап над 500 натпреварувачи од 70 клубови од Европа. Македонските борачи нанижаа по три сребра и бронзи и осум златни одличја од вкупно 15 натпреварувачи, што го направи овој настап еден од најквалитетните досега. Со две злата во сениорска и јуниорска конкуренција клубот Бутел е освојувач на два пехара, што значи севкупен клубски победник на “Тирана Опен”.

Француско-Германската канцеларија за млади и Агенцијата за млади и спорт одржаа прес конференција која се одржа во среда, 04.05.2016 г. во 11:15 ч. во просториите на Францускиот Институт Скопје за процесот на воспоставување на Регионалната канцеларија за младинска соработка за Западен Балкан.

Агенцијата за млади и спорт е стартното место од каде Македонските каратисти го трасираат успешниот поход наречен Европско првенство. Овојпат дестинацијата е Монпеље, Франција. Пресот кој утрово се одржа во просториите на Агенцијата за млади и спорт ја отвори директорот Марјан Спасески кој посака на сите репрезентативци успех на претстојниот континентален собир.

Во рамки на симпозиумот на асоцијацијата на спортски новинари на Југоисточна Европа, кој се одржува во Скопје во периодот од 22. до 24. април, 2016 г. Фудбалската Федерација на Македонија беше домаќин на работилницата за улогата на спортските новинари во промоција на големи спортски настани.

Ревијален тениски турнир меѓу основците и средношколците од Делчево денеска се одржа на двојниот тениски терен, кој неодамна го изгради Агенцијата за млади и спорт во оваа општина, како дел од проектот за изградба на 120 тениски терени низ целата држава. На спортскиот настан присуствуваа директорот на Агенцијата за млади и спорт, Марјан Спасески и градоначалникот на општина Делчево, Дарко Шехтански, кои не го криеа задоволството од искористеноста на тениските терени, први од ваков вид во Делчево.