На патеката „Матка“ крај Скопје претстојниот викенд ќе се одржи традиционалната спортска манифестација Илинденски кајак слалом – ИКАС. Годинава покрај натпреварите во слалом, првпат ќе има и трки во кајак спуст, кои ќе се бодуваат во рамки на Европскиот куп.

Агенцијата за млади и спорт распиша јавна набавка за избор на фирма која ќе постави спортска опрема на отворено, во парковите низ земјава, во насока на реализација на новиот проект на АМС за изградба на нови урбани катчиња за спортување и рекреација. Предвидено е да се изградат модерни фитнес-зони, со различни справи и реквизити за спортување и вежбање на сите граѓани, а особено на најмладите. Фитнес-зоните ќе се поставуваат во парковите и други јавни површини во вкупно 20 општини во земјава, за што од страна на Агенцијата за млади и спорт се обезбедени околу 40 милиони денари. Изградбата се очекува да започне наесен.

Како институција одговорна за креирање младински политики и поддршка на развојот на младите луѓе, во секој од чекорите кои ги преземаме, тежнееме кон инклузивност и соработка со младите. Како никогаш досега младите луѓе добија бенефиции, со кои се подобрува општата благосостојба и се потенцира нивното значење во општеството, вели Марјан Спасески, Директор на Агенцијата за млади и спорт, кој ги нагласува и инвестициите во спортска инфраструктура и грижата кон спортските работници

 Дечињата од Василево, заедно со нивните родители, денеска беа дел од проектот на Агенцијата за млади и спорт, симболично наречен “Спортот и семејните вредности”. 

Директорот на Агенцијата за млади и спорт, Марјан Спасески во Основното Училиште “Ѓорѓија Пулевски” во Општина Аеродром свечено го отвори државното првенство во кошарка (женски) за основни училишта во рамките на училишните спортски игри, кое од денеска ќе се одвива во организација на Федерацијата на училишен спорт на Македонија и Основното Училиште “Ѓорѓија Пулевски” како домаќин на првенството.

Денес во просториите на Агенцијата за млади и спорт, Директорот Марјан Спасески оствари средба со претставникот на Европската боречка федерација (UWW) Теодорос Хамакос.
Целта на средбата беше кандидатурата на Македонија за домаќин на Еворпското кадетско првенство во борење 2017 година.

Главниот град на Македонија, Скопје, во периодот од 31 март до 3 април  беше домаќин на Европското првенство во Кендо.  Добивањето на организација на ова Европско првенство не беше случајност, туку  резултат на реализација на голем број проекти и активности од страна на Кендо федерацијата, а со поддршка на Агенцијата за млади и спорт и сето тоа во насока на промовирање и развој на оваа боречка вештина. 

Спортскиот рекреативен центар Кале во недела  (03.04.2016) ќе биде место каде ќе се претстават повеќе од 300 натпреварувачи од 40 клубови кои ни доаѓаат од 6 држави. Станува збор за третиот по ред Скопје-опен интернационален турнир во таеквандо.

Денеска (29.03) во просториите на Агенцијата за млади и спорт се одржа консултативна средба за младинско информирање.

Настанот беше организиран од Коалицијата на Младински организации СЕГА и Агенцијата за млади и спорт кои заедничко ја имплементираат Кампањата за младинско инфомирање која се спроведува во 2016 година. На средбата присуствуваа претставници од младински организации и претставници од општините и Град Скопје,а се дискутираа прашања поврзани со механизмите за младинско информирање, потребата за посеопфатно и квалитетно информирање за младите луѓе и поголема соработка меѓу релевантните чинители во информирањето на младите.

Денес во просториите на Факултетот за информатички науки и компјутерско инжинерство (ФИНКИ) стартуваше државниот натпревар за "Избор на најдобар млад програмер"  кој е во организација на Здружението на информатичари на Македонија а во соработка со Агенцијата за млади и спорт.

Утре (четврток, 24.03.2016) во просториите на Агенцијата за млади и спорт ќе се одржи консултативна средба за изработка на двегодишен Акциски план за имплементација на Националната стратегија за млади 2016-2025.

Во Општина Ѓорче Петров во населбата Дексион денеска беше ставен камен-темелник на повеќенаменско игралиште, додека во населбата Даме Груев беше пуштено во употреба исто вакво игралиште. Повеќенаменското игралиште во населбата Дексион ќе чини околу девет милиони денари и ќе биде завршено за неколку месеци.