Директорот на Агенцијата за млади и спорт, Марјан Спасескиденес имаше работна средба со челниците и репрeзентативците на Македонската Џиу-џица репрезентација, кои минатиот викенд од 01.05 до 03.05.2015,одржаа тридневен семинар во Истанбул, на покана од Турската федерација.

Агенцијата за млади и спорт ги објави апликациите за доделување на дополнителни средства за националните спортски федерации. Сите апликации можете да ги најдете на веб страната на АМС во делот на Информации од јавен карактер.

Инфо Центарот беше местото од каде се најави одржувањето на 11-тиот по ред Виз Ер Скопски Маратон. Се очекува најпосетен и најмасовен маратон досега со оглед на досега пријавените 5 600 учесници. Маратонот е под покровителство на Град Скопје, Европската Унија и Агенцијата за млади и спорт, а главен спонзор и годинава ќе биде Виз Ер.

На отворањето покрај спорстките работници беа присутни и официјални лица од Советот за спорт при Општина  Свети Николе  како и Директорот на Агенцијата за млади и спорт мр Марјан Спасески. Тој им посака на сите присутни успешно натпреварување, нагласувајќи дека истото треба да помине во фер атмосфера и секако да победи најдобриот.

Директорот на Агенцијата за млади и спорт, Марјан Спасески  и градоначалникот на општина Валандово, Николче Чурлиновски денеска свечено го предадоа во употреба повеќенаменското спортско игралиште во населеното место Чалакли, кое е дел од проектот на Владата за изградба на  100 повеќенаменски маалски игралишта низ целата држава. Станува збор за 38-то игралиште кое е ставено во функција, од вкупно 51 кое досега се изградени низ целата држава од страна на Агенцијата за млади и спорт

Општина Василево доби уште еден спортски терен. Станува збор за повеќенаменско спортско игралиште во населеното место Седларци. Реализацијата на проектот чини околу 2,5 милиони денари, средства обезбедени од општинскиот буџет.

За директорот на Агенцијата за млади спорт кој присуствуваше на свеченото пуштање на игралиштето реализацијата на овој проект е многу значајна бидејќи преку ваквите капитални проекти се заокружува еден концепт на создавање на психофизички здрава младина која ќе биде оттргната од пороците на современото живеење.

Денес, директорот на Агенцијата за млади и спорт Марјан Спасески оствари работна средба со новиот претседател на Македонската кошаркарска федерација, Петар Наумовски. Спасески му ја честиташе функцијата на Наумовски и му посака успешно менаџирање на македонската кошарка во следниот период.

Под покровителство на Македонската таеквондо федерација, изминатиов викенд повеќе клубови од Македонија земаа учество на меѓународниот турнир Милениум ОПЕН во Вршац- Србија.Директорот Спасески им честиташе на успехот особено на најмалите, осумгодишни медалисти и порача дека очекува ваков резултат и на репрезентативен план вршац- Србија.

Претседателот на Македонската шаховска федерација во придружба на првите луѓе на шаховските клубови како и  претставникот на Европската шаховска федерација г-дин Иван Соколов, денес остварија средба со директорот на Агенцијата за млади и спорт мр. Марјан Спасески. Повод е посетата на шаховскиот велемајстор Соколов во врска со подготвеноста на Македонија за одржување на Европското клубско шаховско првенство најавено за Октомври годинава.

Републичкиот совет за безбедност во сообраќајот во текот на месец април ја започна кампањата „Почитувај го животот – почитувај ги правилата“, која има цел подигнување на свеста за правилно и одговорно на сите учесници во сообраќајот.

Во рамки на кампањата во периодот 15 април – 31 мај секојдневно ќе се реализираат промотивно – едукативни активности, како и различни средби и едукативни јавни настани, наменети за подигнување на јавната свест.

Агенцијата за млади и спорт во соработка со младинските организации и сите релевантни државни институции и организации, а со поддршка на Програмата за развој при ОН, денеска со првата работна конференција го започнапроцесот на изготвувањето на Националната стратегија за млади за периодот 2016-2025.

"Во нашите излагања често велиме дека младите се нашата иднина, но всушност тие се сегашноста на оваа држава и овој документ се однесува токму на нив, на нивните потреби и ставови. Токму затоа, денес ве повикувам да се вклучите во целиот процес на креирање на овој документ кој не е само важен на нас како институција одговорна за креирање и спроведување на младинските политики, туку и за сите млади во Република Македонија", рече на отворањето Директорот на Агенцијата за млади и спорт м-р Марјан Спасески.

Европскиот куп "Бихач Опен 2015" и освоените 15 медали од исто толкав број на Македонски натпреварувачи беше повод за прием на претставници на Кик бокс Федерацијата во Агенцијата за млади и спорт.
Успехот на нашите претставници е остварен во конкуренција на 473 натпреварувачи од шест држави. Македонија ја претставуваа млади но искусни и перспективни кик боксери кои нанижаа медали и докажаа дека ги следат стапките на своите постари колега кои исто така беа дел од победничкиот тим.