Од утре 12-ти Март започнуваат државните натпревари за средни училишта во одбојка за жени. Домаќин е СОУ "Мирче Ацев" од Прилеп, а според правилникот на Федерацијата за училишни спортови учество ќе земат две екипи од скопскиот регион и по две екипи од источниот и западниот регион. Завршницата е на 14-ти Март кога ќе се прогласат најдобрите тимови.

Денес (09.03.2015) Понеделник, во Амфитеатарот на Факултетот за Физичка Култура Скопје се одржа семинар за Студентите на факултетот.

Присуствуваа 74 студенти од трета и четврта година на на Факултетот за Физичка Култура Скопје.

Претседателот на Фудбалската федерација на Македонија Илчо Ѓорѓиоски денеска во „Куќата на фудбалот“ оствари работна средба со директорот на Агенцијата за спорт и млади Марјан Спасески.

Првиот човек на македонскиот фудбал истакна дека соработката со државното тело за спорт мора да биде на високо ниво кога се во прашање важни проекти со цел подобра и поквалитетна реализиција на истите, а еден од проктите на кој се посветува посебно внимание е фудбалската Академија на ФФМ. 

Ивана Пирковска е млад уметник-добитник на првата награда за скулптура од проектотМлади уметници на Агенцијата за млади и спорт. Нејзините почетоци во ликовниот свет датираат од најмала возраст кога детските цртежи и слики беа наградувани на локални и меѓународни изложби и ја стимулираа да се концентрира на уметноста. 

Со чинот на Свеченото отворање попладнево беше означен стартот на 52.то издание на Мавровскиот меморијал традиционалниот натпревар во нордиско скијање.

Вечерва (26.02.2015 година) со почеток  во 18:00 часот  во НУ Национална Галерија на Македонија  – Мултимедијален Центар „Мала Станица” беше отворена изложбата “Young Art 2015″.

Изложбата ја отвори директорот на Агенцијата за млади и спорт, Марјан Спасески кој потенцираше дека сите иницијативи кои се однесуваат на поддршка и поттикнување на младите и креативни луѓе, без оглед за кој професионален домен да стане збор, се за пофалба и афирмација

Директорот на Агенцијата за млади и спорт, Марјан Спасески и градоначалникот на општина Велес, Славчо Чадиев денеска ставија камен – темелник на новото спортско игралиште во селото Караслари. Тоа е 55-то повеќенаменско игралиште, кое започнува да се гради преку Агенцијата за млади и спорт, а е дел од поширокиот проект на Владата за изградба на 100 повеќенаменски спортски терени низ целата држава.

Триесет и седмото од вкупно 51. досега изградени повеќенаменски игралишта од проектот „Изградба на 100 повеќенаменски игралишта низ целата држава“, што го спроведува Владата на Република Македонија преку Агенцијата за млади и спорт, денеска официјално беше пуштено во употреба во кичевското ОУ „Кузман Јосифовски Питу“. 

Со сликање започнав во Средното училиште за применета уметност „Лазар Личеноски“, но техниката масло на платно ја открив на ликовната колонија „Карпино“ во 2004 година и до денес најмногу ми одговара како сликарска техника. Тешко е да се одреди граница помеѓу првите обиди и истражувањето во сликарството и зрелата фаза во творештвото на академскиот сликар.

Денес (03.03) во просториите на Агенцијата за млади и спорт беше потпишан Меморандум за соработка меѓу Агенцијата за млади и спорт и КОалицијата на младински организации СЕГА, согласно кој ќе се отпочне процесот на креирање на локални младински стратегии во општините Гази Баба и Бутел.

Меморандумот за соработка го потпишаа директорот на АМС, Марјан Спасески и извршниот директор на СЕГА, Зоран Илиески, а истиот произлегува од долгогодишната соработка меѓу двете страни во процесите на креирање локални младински стратегии и совети во повеќе општини. 

Денес (02.03.) во Амфитеатарот при Медицинскиот Факултет во Штип се одржа семинар за Студентите по Медицински Науки.

Присуствуваа 76 студенти од втора година на студии.

На патеката „Мирна долина“ на Маврово в сабота и недела ќе се одржи 52. издание од меѓународната манифестација во нордиско скијање „Мавровски меморијал“.

За првпат главен покровител е Агенцијата за млади и спорт без чија поддршка годинава немаше да се одржи ова натпреварување.

- Агенцијата за млади и спорт како институција која се грижи за развој и популаризација на спортот, настојува да се приближи до современите светски теркови за унапредување на вредностите на општеството и државата. Токму со одржувањето на „Мавровскиот меморијал“ ние ја продолжуваме традицијата на големи светски настани одржани во Република Македонија. Влогот на многумина низ изминативе 52 години во организирањето на овој настан придонесе „Мавровскиот меморијал“ да прерасне во настан кој го промовира Маврово  и Република Македонија, оставајќи траен белег во спортот, изјави директорот на АМС Марјан Спасески.